<aside>
بحكم إن كل يوم توصلني رسائل كثيرة عن الأدوات اللي أستخدمها، ودي يكون عندي رابط واحد أرسله ونختصر الوقت على الطرفين (:
بتحصل هنا كل شيء ملموس وغير ملموس: برامج جوال، مواقع، أدوات من أمازون، اشتراكات، خدمات، وأشياء ثانية كثيرة.
كل أداة أشاركها هنا نابعة من تجربة شخصية. وأنا معروف بين اللي حولي إني "مجنون تولز"؛ حجم الفلوس اللي أضخها عشان أجرب كل شيء قدامي مو طبيعي.
فالقائمة هنا غير مُلمّعة، وفيها أشياء أستخدمها فعلًا وأشوف إنها تبيض الوجه، سواء كانت مجانية أو مدفوعة.
تقدر تكرر ملف نوشن هذا على صفحتك من خلال الضغط على زر الثلاث نقاط في أعلى اليسار، ثم اختيار تكرار الصفحة وإضافتها إلى مساحتك.
بس انتبه: إذا كررت الصفحة عندك، ما راح يوصلك التحديث تلقائيًا. تحتاج تدخل على الرابط مرة ثانية، وتكرر صفحة جديدة من [هنا] إذا حبيت.
أو اشترك في قائمتي البريدية، لأني أشارك فيها أشياء تهمك إذا كنت تبني علامتك الشخصية أو تسوّق لمشروعك التدريبي و أنبهك بالتحديثات اول بأول.
</aside>
إذا كنت من الدائرة القريبة حولي، فبتعرف إني أكثر شخص يطبّل لهذي الأداة! الموضوع مو منطقي… مانوس هي أكثر أداة أشوفها تفهم الإنسان وتنتج مخرجات جامدة فعلًا.
تقدر تستخدمها في البحث، والتفكير، والتحرير، وبناء السلايدات والملفات، ومليار شيء ثاني.
أتمنى كل شخص يستخدمها؛ لأنه بعدها راح يعرف بالضبط إيش أقصد.
صحيح إنها تعتبر من أكثر الأدوات تكلفة، وفاتورتها غالبًا هي أعلى فاتورة ذكاء اصطناعي أدفعها شهريًا. لكن بشكل عام، تستاهل إذا عندك بزنس يدر دخل رهييب، والأداة فعلًا تساعدك ترفع كفاءتك وتنجز أكثر.
باختصار: إذا كنت تستخدمها صح، فهي مو مجرد أداة ذكاء اصطناعي… كأنك ضفت شخص دافور جدًا إلى فريقك. https://manus.im/invitation/BWLON8X9YV22W8T?utm_source=invitation&utm_medium=social&utm_campaign=copy_link
هذي الأداة عجيبة… وتساعدك في شغلتين أساسيتين:
1. تخلي الرابط يفتح في المنصة أو الموقع الأساسي مباشرة
مثلًا، لما تحط رابط يوتيوب داخل إنستجرام، غالبًا المتابع يفتح الفيديو داخل المتصفح الداخلي لإنستجرام، وتجربة الاستخدام هناك سيئة جدًا.
مع LinkTwin، تقدر تخلي الرابط ينقله مباشرة إلى يوتيوب نفسه أو إلى متصفح سفاري، بدل ما يظل عالق داخل متصفح إنستجرام.
2. تتبع أداء كل رابط
تقدر تعرف عدد النقرات على كل رابط، وطبيعة الأشخاص اللي ضغطوا عليه، ومن أي دولة، وفي أي وقت، وغيره من التفاصيل.
وفوق هذا كله، تنظم لك روابطك في مكان واحد، بشكل بسيط ومنظّم لدرجة غبية.
تقدر تراقب الإحصائيات العامة والدقيقة، وتعرف هل البزنس حقك ماشي صح، ووين الخلل بالضبط.
وفيه سر راح أقوله لك عن طريقة استخدامي لها وتحليلي للبيانات (:
أنا أجمع روابط عملائي داخل الأداة، بحيث أقدر أشوف أداءهم من الداشبورد عندي، وأتتبع كل شيء يصير معاهم، وأحدد الخلل في مسارات البيع وغيرها.
مستحيل أستغنى عنها.